Matulog nga ngitngit

Tingali pipila pa kanato ang wala masayud sa mga epekto sa pagtulog nga ngitngit ang dapit o lawak nga gikatulgan. Sa laktod, dili maayo nga magsiga ang sugang dagitabnon sa panahon nga kita matulog na. Ang atong orasan sa lawas o ‘body clock’, maguba o mapwerhisyo kay nagtoo ang lawas 24 oras kini nagtrabaho imbis 16 oras nga nagmata pa sa kahayag.

Sa atong pagtulog, mas maayong pagngon ang suga nga de-kuryente. Kay kon matulog kita nga hayag, dili kapahuway ang lawas pagdepensa sa electrical radiation nga naa sa kahayag. Sama ra nga gikargahan o ‘nag-charge’ ang lawas nato sa kuryente ‘overnight’. Unya inigmata nato, morag kapoy o luya kaayo ang gipamati sa panglawas kay na-‘overcharge’ sa radiation.

Kana gud nga matulog nga hayag, ang atong selyula sa panit o ‘skin pores’, di katarong nga masira-abli kini tungod sa hayag o radiation nga mosulod sa lawas. Mosamot pa nakatulog nga nagtan-aw sa TV nga wala mapawong, mga gadget naka-‘on’ o naka-‘charge’ sama sa celpon, laptop, uban pa. Basta tanang aplayances nag-andar may radiation kana.

Sa aircon nga bugnaw pamation, may radiation gihapon kini ug mga makahilong toksik kemikals sama sa ammonia, DDT (kemikals nga isagol sa pesticide). Wala kini kalainan sama anang sige’g hanggap sa aso sa gibuhot sa nanigarilyo. Kun mag- ‘aircon’, mas maayo limitahan ang oras sa paggamit ini.

Kadtong may tambal nga ‘tyrosine’ sa kanser, dili moepekto kay alkontrahon kini kun matulog nga hayag ug may nakaandar nga aplayanses.