Ang pagdigwa

Temang Nalambigit: Dili makatulon sa gipanulti o gipamuhat

Adunay mga higayon nga diha sa atong damgo, atong masinati ang pagdigwa o pagsuka sa tanan natong gikaon. Kini tungod kay ang atong sistema ang maglisud pagdawat niini. Ang maong damgo ang timailhan sa gitawag natong fear of rejection kun pag-ayad kanato labina kanila nga maisip natong mga significant others. Ang ilang gipanulti, ang ilang mga sakit ug makadaut nga pagsaway, ang ilang mapintas nga kahilom dako kaayo og epekto alang kanato. Mao nga atong madigwa ang maong kasinatian. Ang maayong buhaton mao ang pagkondisyon sa atong hunahuna ug kasingkasing nga dili tanang tawo malipay ug mouyon kanato. Mas maayo nga mamahimo kitang expressive diha sa atong pagpakita sa atong pagsupak sa maong rejection. Ayaw himoa ang uban nga molatid sa dalan nga imong subayon. Likayi ang dalan nga gilaktan sa uban.