Mga sintomas sa leukemia

Bisag unsang sakita basta sayo lang madiskitahan, may posibilidad pa kini nga masanta o mamaayo. Sagad gud, dili lang kaayo kita magtagad kon unsay atong gipamati, kay kuno mawala ra man sad dayon. Apan diay nag-umido na kini nga nagkagrabe na diha sa atong lawas. Busa angay ipatsek-ap dayon kana sa doctor, kay mora ra ba kini ordinaryo nga pamation. Unsa may gibati nato nga dili kasagaran, angay nga ato gyud kini dayon hatagan og dinalian nga pagtagad. Tingali mokalit lang kini mograbe sama sa chronic disease o chronic leukemia. Sagad mao ni ang mga simtomas;

(1) Dili kasagarang pagdugo o morag may mga kinawrasan sa panit.

(2) Impeksyons o panghubag sa mga gland sama sa lusay (lymphnodes), atay ug uban pa.

(3) Nagkaniwang nga dili masabot kon unsay hinungdan. Kalit lang nidaut nga huyhoy ang abaga nga morag masakiton og baga.

(4) Kanunay nga gihilantan. Morag init o gidanggas permi ang lawas.

(5) Walay kadasig, kanunay luya o  dali na kapoyon ang lawas.

(6) Luspad nga nagdag ang kolor sa pamanit.

(7) Kon hikapon o idaitol ang tudlo sa lawas niya, molabhag ang puti, sama sa anemia nga kulang sa dugong pula.

Angay gyud isilsil sa hunahuna, kon sayo ni nato nga ipahiling sa doktor, mabuhatan kini’g paagi nga dili kita mahasol o labing magkaproblema. Kay bisan pa lang sa paggasto ini kon dili madali, makapaugtas na kini sa atong paglaum. Unsaon matud sa mga eksperto, lisud kini ayohon kon grabe na.