Salamat, SM
Ang mga buta ug bungol natong kaigsuonan makatagamtam na karon og kalingawan nga sa dugay’ng panahon gihikawkanila. Kini mao ang paglingaw-lingaw sud sa sinehan bisan pa sa ilang disability kun kabilinggan.
* * *
Salamat sa SM Supermalls kang kansang tag-iya naninguha nga makapahimus sa mga modernong teknolohiya alang sa kaigsuonan tang may deperensya sa ilang panan-aw ug pamati.
* * *
Suma pa sa balita gikan sa SM Supermalls aduna nay paagi diin ang mga buta ug bungol malingaw na sa mga salida sud sa mga sinehan. Gitawag kini nga Special Movie Screening for the Blind and the Deaf ginamit ang bag-ong audio-description alang sa buta ug subtitles alang sa bungol.
* * *
Daghan nang mga sinehan sa SM shopping malls ang nagpasalida og mga sine alang sa mga dunay kabilinggan sa panglawas sama sa buta ug bungol ubos sa pagpasiugda sa SM Care ug SM Foundation. Ginganlan kini nga Sensory Friendly Movies.
* * *
Angay gayud nga pahalipayan ug pasalamatan ang tag-iya sa SM Supermalls tungod niining pagpaninguha nila nga kahatagan usab og kalingawan ang mga Persons With Disabilities (PWD) kun kaigsuonan tang may kabilinggan sa lawas. Karon pa kita makakita og buta ug nakadungog og bungol nga nanan-aw og sine.
* * *
SA LAING BAHIN ... Daghang salamat sa tanang magbabasa sa Banat News sud sa 20 na ka tuig nga ang BN nagsilbe sa Sugbu. Magpadayon ang atong sinserong pag-alagad. Promise!
- Latest
