Mga aktor

Sa iyang latest Funfare column (Aug. 11/14) sa PhilSTAR, giprint ni Sir Ricky Lo ang photos sa 16 ka top male actor sa postwar (1946) period. Mga aktor kini nga maoy gikiligan adtong panahuna sa atong mga fans, labi nang mga babaye ug bading.

* * *

Sa maong photo gallery sa Funfare, ang tanan, gawas ni Pugo, well-groomed ang buhok. Maayong pagkasudlay, nagsinaw-sinaw. Lahi sa mga buhok sa atong mga aktor karon nga mura’g inukay or mura’g gihuyop og hangin ni Yolanda.

* * *

Mga hulagway nga naapil sa column ni Sir Ricky mao ang photo ni Rogelio de la Rosa, Leopoldo Salcedo, Fernanndo Poe, Jose Padilla Jr., Angel Esmeralda, Jaime de la Rosa, Fred Montilla, Oscar Moreno, Bimbo Danao, ug uban pa.

* * *

Klaro kaayo nga adtong panahona, dili pa uso ang gel. Pomada ang gigamit sa mga actor. Dili pa sad uso niadto ang “opaw look” gawas sa hairstyle ni Pugo ang labing popular nga komedyante adtong higayuna.

* * *

OK lang ang mga hairstyle sa atong mga aktor karon. Matud pa bitaw ni Erap, kang kansang sinudlayan sa buhok hapid kaayo,  wider-wider lang. Unsay uso niadto dili na uso karon.

* * *

SA LAING BAHIN ... Daghan salamat nila ni Monching ug iyang misis nga si Edna kinsa mga tindero ug tindera og mga mantalaan ug mga second hand books diha sa T. Padilla st. Si Monching ug Edna nakatabang gayud sa pagpalambo sa Banat News diha sa ilang dapit ... Hapit na mo-20 anyos kining atong mantalaan ug angay kitang magpasalamat ngadto sa mga nagsige’g suporta kanato.