Diha sa kahanap

Kun diha sa imong damgo imong nakita ang imong kaugalingon nga nakasinati og kahanap sa imong palibot, mahimong usa kini ka pagpadayag sa imong kahingawa ug kahadlok diha sa imong waking world. Kahadlok nga nagasukad sa kawalay klaro sa dagan sa imong panghunahuna ug sa imong kinabuhi. Kini tungod kay ang kahanap mahimong maoy hinungdan kun nganong daghan kanato ang nahimong mahadlokon nga mo-venture sa giisip natong unknown. Ang pagtataw sa imong padulngan wala lang magsukad sa palibot ni sa mga tawo libot kanimo kondili sa imong desisyon mismo nga ikaw ang mogiya ug mohatag og timon sa imong kaugalingong kinabuhi. Sa matag higayon nga ikaw magdamgo niini, hunahunaa ang hinungdan ug paningkamoti nga duna kay mahimo alang niini.