Babaye sila
Nagkadaghan na karon ang mga igsoon tang Pinay nga nanarbaho sa mga trabahuon diin kaniadto mga lalaki lang ang midominar. Kini suma ni TESDA Director General Joel Villanueva.
* * *
Ang Phil Star, kauban ning Banat News ug The Freeman ubos sa Phil Star Group of Publication, mibutyag dili pa lang dugay og pipila ka mga Pinay nga nagmalampuson karon sa mga trabaho diin kaniadto mga lalaki ra ang dunay kapasidad sa pagkupot.
* * *
Pananglitan, si Ingrid Ponce, 24, usa sa mga sinaligan nga welder sa iyang gitrabahuan didto sa Japan. Ug dili lang kay eksperto siya sa welding maayo usab siya mo-operate og forklift.
* * *
Si Jonnalyn Navarossa nga Leytena usa na karon ka malampuson nga automotive mechanic. Naa siya magtrabaho sa usa ka auto firm nga gipanag-iya og Japanese. Si Jonnalyn gi-hire sa maong kompaniya human siya nakadawat sa National Certification for Automotive Mechanic gikan sa TESDA.
* * *
Laing babayeng milampus sa trabaho nga kanhi iya ra sa mga lalaki mao si Elvira Agbayani, 25. Dili siya gradwada sa TESDA apan nakakat-on og drayeb og long-haul bus samtang usa siya ka OFW didto sa Saudi. Nagtrabaho siya karon sa Greyhound Bus isip driver-mechanic sa US.
* * *
Naa pay daghang kaigsuonan nato nga mga Pinay nga nagkupot karon og mga trabaho diin kaniadto iya ra sa lalaki. Kini sila pulos gradwada sa TESDA.
* * *
SA LAING BAHIN ... Happy birthday ngadto ni Manang Josefa de Castro mamaligyaay og mga periodiko, lakip na ang Banat News ug The Freeman, diha sa pantalan ... Greetings sa atong mga magbabasa sa Banat News diha sa may Sanciangco-Taboan area.
- Latest
