Plano sa inventor
Ang mga plano sa tawo mag-agad sa iyang talento o naantigohang trabaho sa kinabuhi.
Kun siya usa ka doctor, kaantigo siya motambal sa mga sakit sa tawo o kaha ang paggama og tambal.
Ang mga laraw ug damgo sa iyang kinabuhi, natural nga gusto siya’ng kamao mohimo og tambal nga kaugalingon niya’ng diskobre nga makaayo sa tanang matang sa sakit sa tawo.
Ang plano sa usa ka enhinyero, mao ang komon nga pagpalambo sa mga infrastraktura sa iyang palibot nga kun usa siya ka mayor, aw gusto niya’ng nindot ang iyang mga karsada, mga taytayan, mga public building ug ubang mahinungdanong proyekto nga gusto niya’ng mahimong landmark sa iyang lugar.
Ingon usab niini ang mga plano sa usa ka abogado nga gusto niya’ng mahisubay sa legal nga pamaagi ang iyang mga proyekto, kay nasayod man siya unsay legal ug unsay ilegal.
Apan ang mga plano sa tawo’ng inventor, lahi kay sa mga tawo’ng may komon ug ordinaryo’ng pangutok.
Sama kang Mayor Johnny De Los Reyes sa Talisay City kinsa naglaraw nga himoong waterpark ang bukana (baba sa sapa paingon sa dagat) sa sapa sa Mananga.
Palawman niya og upat ka metros, pasudlan og dagat ug himoon nga pantalan sa mga speed boat ug mga pumpboat nga pasaheroan nga mobiyahe paingon sa pier area sa Cebu City aron makatabang sa naghuot nga trapiko sa kadalanan tali sa Talisay ug Cebu City ug makapamubo sa oras sa biyahe, busa makaayo sa tanan.
- Latest
