Mga soccer balls sa WC ‘14
Human na ang World Cup 2014 didto sa Brazil. Nahibalo na tingali mo nga ang Germany maoy nahimong kampyon human pildiha niini ang Argentina sa iskor nga 1-0.
* * *
Naay daghang mga sidelights sa World Cup nga makalingaw kaayo. Pananglitan, sayud ba mo nga ang tanang soccer balls nga gigamit sa World Cup games pulos hinimo sa mga piniriso sa Brazil?
* * *
Suma sa report sa Wall Street Journal, ang prison factory mihimo og 400 ka soccer balls kada-adlaw. Kuwarenta ka piniriso kon inmates mitrabaho sa football factory otso oras matag adlaw ug laing 40 ka grupo sa piniriso morelyibo kanila.
* * *
Ang ubang bola anha himua sa mga binilanggo sud sa ilang selda apan ang kadaghanan sa bola adto gyud himoa sa prison factory. Sa ato pa ang mga soccer ball nga gigamit atol sa World Cup sa Brazil gyud himua, wa palita sa laing nasud.
* * *
Ang mga duwa sa football atol sa bag-o pang nahuman nga World Cup gi-host diay og laing 12 ka siyudad sa Brazil, dili lang kay sa Rio de Janeiro ra.
* * *
Sa Brazil diay, suma pa sa artikulo sa WTJ, dili kay atol sa World Cup ra ang hinugyaw sa mga Brazilenos kun di kada adlaw duna may football tournament inapilan sa local clubs ug clubs nga manulong sa Brazil gikan sa ubang nasyones latino Americano.
- Latest
