Di kinahanglan mag-usab og spelling aron mahalin ang produkto
Ambut kinsay nagpauso ini nga usbon ang spelling sa usa ka pulong, ipahaum sa produktong ibaligya – presumably aron maagni ang makadungog pagpalit sa produktong gi-advertise.
Una, ilang gi-murder ang spelling breakfast. Karon ang spelling na pod sa hotdog … hangtud nga ang akong apo naglibog unsay hustong spelling.
Na hala, padayon lang mo. Ug congratulations diay sa creative ninyong advertising agency for creating the not-so-creative “masterpiece.â€
* * *
Waa ba mo kamatikod sa pag-handle sa media sa kaso nila ni Senador Bong Revilla ug Jinggoy Estrada, nga sa media mileage nga ilang naangkon, gi-portray sila nga mora’g hero? Ug usahay, segun sa source sa news, si Noynoy na hinoon ang ihulagway nga villain, nga kining tanan, political harassment ug nahadlok ang Malacanang nga mudaog unya si Bong pagka-presidente, ug si Jinggoy pagka-bise. Moy gidangat!
* * *
Cash advances. Ambut ngano nga nahimo nilang problema ang mga cash advances, nga ang uban mo-retire na lang waa gyud ka-liquidate? Sa among panahon, hinoon, ginagmay ra man tong among mga cash advances, waa man mi maproblema ini.
In my case, sagad sa akong mga cash advances, kadto dang mo-travel ko. Sa ato pa, gamay ra kaayo nga amount. Immediately inig-abot namo gikan sa travel, liquidate dayon. Ambut nganong di ni mahimo ug waa ni himoa sa ubang mga opisyal sa gobiyerno? Labi na kun linibo ug minilyon ang cash advances the more reason nga dihadiha dayon ang pag-liquidate, aron dili lisud ang paghipos sa mga resibo ug ubang mga supporting papers.
Ang mahitabo, kun madugay ang pag-liquidate, matintal ka paghimo og mga milagro sa mga supporting papers.
Mao bitaw nga personally, uyon ko sa post auditing. Makalangan man sa implementation sa proyekto, apan, seguro nga walay sabit. Limpyo ang labas, without sacrificing sa quality sa trabaho o sa material nga paliton.
Mao, nga Sir ug Ma’am, i-liquidate dayon ang inyong mga cash advances. Kun mahimo ayaw paugmai. Ragardless sa amount, basta kompleto lang ka sa mga supporting papers, sa ato pa, walay magic-magic sa mga resibo ug RIVs, di mo mahisugamak sa mga disallowances.
* * *
Kining mga lakang karon pag-hire og mga sibilyan, mga non-uniform personnel sa PNP, maayo ni. Ang maong mga personnel, i-assign sa mga administrative functions puli sa regular nga mga policemen nga idistino na sa field, sa kadalanan, to increase police visibility.
Ang foot patrol usa ka dakung deterrent against commission of crimes. Ug tungod kay some, if not most of the crimes are committed during the night, maayo sad nga ma-visible usab sila, labi na during the wee hours of the night.
- Latest
