Mga rally batok pork barrel nag-support sa clean up drive ni Noynoy Akong

Akong suod nga amigo nga waa usab mobotar ni Noynoy, miingon, atong kutloon: “The best thing that ever happened to our country today, is the filing of charges against big fishes in the government.”

Bitaw, waa ni mahitabo sa unang mga administrasyon. Ang issue sa corruption is as old as mankind. Dugay na kaayo ni, although na-grabehan karong mga panahona. Daghan nang Presidente nga milabay sa atong kinabuhi, apan, waa gyuy nagukod sukad, nga mga dagkung isda sa kagamhanan gumikan sa corruption.

Masabot nga misanong na ang kagamhanan sa tingog ug sentimento sa katawhan. Nahinumdom mo sa one-million anti-pork barrel protest? Misanong si Noynoy ning maong kagahob sa katawhan. Sa ato pa, ang maong protesta misandig sa kaligdong ni Noynoy, ug si Noynoy misanong sa maong hugyaw sa katawhan.

Nagpadayon ang maong mga protesta batok sa pork barrel. Ug kini maoy himoon nga kasangkapan ni Noynoy pagpakig-away sa corruption. Sa ato pa, ang maong mga protesta nagpaluyo sa tinguha ni Noynoy pagpatuwid sa daan.

Apan, dunay buot mo-destabilize sa pamunoan ni Noynoy. Nga kono milikay si Noynoy sa mga anti-pork barrel rallies, hinungdan nga didto siya sa Naga mag-Independence Day.  Nganong molikay man nga makaayo man ni   niya? Noynoy?

* **

Dunay mga proposed infrastructure projects alang sa dakbayan sa Sugbo, apan, dili kini ma-implemented dayon kay gikinahanglan pa ang further study, makuti nga mga pagtuon kun makaayo ba sa dakbayan.

Of course, gikinahanglan gyud ang makuti nga mga pagtuon, dili kay magpasagad lang ta’g dasmag. Apan, kinsa may mohimo’g further study? Di ba diay kamaong mo-further study ang mga proponents sa maong mga proyekto?

* * *

Niay joke tones sa The Freeman: Magtutudlo ngadto sa iyang mga estudyante: “I want you to be independent, innovative, critical thinkers who will do exactly as I say.” Naglibog ang kutaw sa mga tinun-an. Basaha’g usab, di ba maglibog sad ka.

Bag-o lang ta nga  nagsaulog sa atong Kagawasan. Sa America (July 4) ug ubang nasud nga gawasnon, daku kaayo kini nga selebrasyon … happy day kini alang sa katawhan. Mao ba ni ang mahitabo matag saulog nato sa atong Kagawasan? Pong pa sa uban, ordinary lang ni holiday, walay klase, walay trabaho.

Ning atong pagka-independent nga nasud, waa bay nagdiktar kanato, pag-ingon nga “We want you, Pinoy, to be independent, innovative, critical thinkers who will do exactly as we do?”  Waa ka ba makadungog niini gikan sa IMF, sa World Bank, sa JICA, sa ADB ug sa ubang mga dagkung financial institution? At any rate, advance Happy Independence Day 2015!