Ang edaran kun magseks

Diha kadtoy survey nga gihimo alang sa mga edaran mahitungod sa ilang aktibidad sa pagseks. Naobserbahan nga ang edaran nga nagpanuigon na og 70 anyos pataas, aduna pay kapasidad sa pagduwa sa kama aron magseks.  Sa tigbasahan sa atong lindog, daghan nila nga edaran nagpakisayud nga dili ba kuno delikado nga makahimo pa man sila makigseks.Kini ang tukion nato ron.

May nasigpatan kitang sinulat sa usa ka doctor nga eksperto usab nianing bahina nga naghatag og mga pahimangno alang sa mga edaran nga aktibo pa sa pagseks. Kay kuno matud pa, sagad aning edara mga talandogon na nga mo-entra pag dinumogay bahala’g mamatay basta ibabaw sa kamay. Mao ba – hala sige basta ayaw la’g kalimot niining mga mosunod nga angay mong buhaton ha?

• Mas mayo kun gusto ka makigseks, ang imo na lang asawa maoy himoa nga partner, aron di ka maugtas. Kay kun mogamit kapag lain unya batan-on pa, mas doble ang kahago ug ma-stress ka. Delikado nga di kana makaginhawa, og may posibilidad nga atakehon ka’s kasingkasing mo.

• Apan kun sa paminaw mo di kana ganahan sa naandan mong partner kay di motuyhakaw ang imoha kun dili kanang bata pa nga agresibo ang imong partner. Bueno aron dili ka maantimano basig kalit ka unyang atakehon, maghigda ka na lang nga tagamtamon ang kalalim. Pasagdi ang batan-on mong partner, mao nay motrabaho para nimo.

• Unya ayaw gyud lugosa nga mosige ka paghirit, kay basig mahutdan ka’g kusog nga mainutil kana hinuon nga dili na kalihok kay nasubrahan.

• Sa di ka pa makigseks, kaon unag mga pabaskog o sustanyadong mga pagkaon o pagtumar og natural nga suplemento nga makapalahutay sa pagseks. Huwata una ang 2 ka oras human mokaon o motumar, una ka makigkombate sa kama.Seguroa nga kondisyon kana sa kahimtang mo.

• Pagtumar daan sa mga tambal mo sama sa hayblad, sakit sa kasingkasing,  aron way problema nga mahitabo inig human mo’g seks.

• Mas maayo mobisita ka’g doctor aron kahatagan ka pa og dugang maayo mong buhaton, gawas ning ato rong gihisgutan nga angay gyud nimong himuong tamdanan, sa paglikay sa mas ikadaut sa imong panglawas.