Mangatol ug sakitan magseks

“Sir, mauwaw ko motug-an niining akong problema apan di na gyud madala’g agwanta kay katumbas kini sa kamatayon sa akong kalipay.” Matud sa babaye nga bag-ohay lang naminyo. “ Ngano man Sir nga kun maghilawas mi sa akong bana, bation ko’g kalami pero naglabi gyud ang sakit nga bation ko ilabi na’g nigawas na ang iyaha. Lami hunahunaon pero mora sad kog gitunglo sa kasakit.” Dili ni komedya problemaha, matud pa sa espesyalista aning bahina nga sa iyang kalkulo maisip ni nga talagsaong allergy sa babaye. Niya pa nga matag liboan ka babaye may usa aning problemaha. Dili kini allergy sa buhat sa paghilawas, kun dili aduna lay element sa seks nga nakamugna’g kahasol. Gikompirmar ni sa doctor sa iyang 10 yrs nga pagdukiduki sa reaksyons sa babaye sa pagseks. Sagad sa reaksyons niini gumikan sa bihod o duga sa lalake (semen). Mao nang manakit ang bilahan, haskang katola ug manghubag nga mora’g maglisod paginhawa. Hinoon kun usa ka sa way swerte nga apektado ini, dili nagpasabot nga natapos na ang kalibutan nimo. Ay’g kaguol kay daghan na nig alibyo sa pagkakaron, gani padayon pa sa pagkaplag og hingpit nga kasulbaran niini.

Ang grupo ni Dr. Bernstein sa Unibersidad sa Cincinnati, may gidebelop nga paagi nga pangontra sa seksuwal allergy nga mao ang pagbakuna. May pagkamahal hinoon ni nga mogasto ka gikan sa 2mil ngadto 5 mil dolyares. Sa samang pagtoon sa mga doctors sa California, may gihimo usab silang cream nga ipahid sa di pa magseks aron maprotektahan ang babaye gikan sa allergy.

Nasorpresa si Bernstein nga pipila sa mga hingtungdan,wa gyud mabutang sa hunahuna nila nga mogamit og condom nga may daghan pang kapilian, aron madepensahan nga di masulod ngadto sa babaye ang duga (semen) sa lalake nga maoy nakapa-allergy. Epektibo ning luwas ug wa gyuy problema ug barato pa. Bitaw sad no?Ngano tuod nga dili magkondom aron unta wa nay problema. Hinoon kun sa paminaw mo mora ka’g kuyawan na nga mora’g grabe na kang nag-antus aning problemaha, ayaw gyud kini ibalewala. Mas maayo nga moduol ka’g espesyalistang doctor, aron kahatagan mog tambag unsay himoon sa tukmang pagremedyo nga mabalik sa normal ang gimbuhaton sa paghilawas.