Swimming pool dont’s

Tungod sa grabeng init sa panahon daghang klase sa pagpabugnaw ang himoon sa mga biktima sa kainit. Naay mokontento ra sa kaon-kaon og halo-halo o ba kaha mohang-out sa mga mall o sinehan.

* * *

Apan mas daghan ang mangadto sa baybayon o maligo sa swimming pool. Si Dr. Willie T. Ong, health columnist sa Philippine STAR adunay suhestiyon sa mga gustong magpabugnaw sa swimming pool.

* * *

Si Dr. Ong mihatag og mga tips alang niadtong maglangoy-langoy sa swimming pool aron pagkombate sa kainit gikan ni Haring Adlaw. Pipila niini mao ning mosunod:

* * *

•  Ayaw imna ang tubig sa swimming pool.

• Ayaw pangihi, labi na ayaw kalibang, samtang naghumol ka sa tubig sa swimming pool.

• Ayaw pangluwa (spit) sa swimming pool.

• Ayaw kaligo sa swimming pool kun nag-diyareya ka.

• Ayaw kaligo sa swimming pool kun duna kay skin disease o samad nga gibindahian (bandaged). Basin mokatag ang kagaw gikan sa imong nuka.

• Ayaw kaligo sa swimming pool kun naka-inom ka ug medyo under sa gahum sa alak.

* * *

Kining maong mga pasidaan kon swimming pool dont’s ni Dr. Ong mahimong adoptahon bisan dili panahon sa summer o ting-init.

* * *

SA LAING BAHIN ... Daghang salamat sa atong mga magbabasa diha sa mga karinderiya sa Carbon, Taboan, ug uban pang mga merkado diin magsuroyan ang Banat News newsboys.

Ulo

Temang nalambigit: Kaalam, kahibalo, rason

Adunay mga higayon diin ang tawo nagdamgo nga kuno punggotan siya sa iyang ulo. Ang pangutana mao: "Kinsa ang mopunggot?" Basin ang iyang labaw diha sa kompaniya nga iyang gialagaran nga diha sa iyang waking world ang nahimong nakahatag kaniya og tumang pressure. Higala ba niya nga tingali ang nahimong labad sa ulo kun hinungdan sa problema diha sa iyang kinabuhi. Mahinungdanon kaayo ang hustong panghunahuna sa matag lakang nga imong pagahimoon. Ang maong damgo ang mahimong mopasabot kanimo nga mahinungdanon kaayo nga sa dili ka pa mohimo og desisyon, mahinungdanon kaayo ang pagpamalandong. Never decide if you are confused.