Alpha lipid colostrum

Sa ato nang gituki nga kining colostrum maoy unang gatas o premilk (sagad unang 3 ka adlaw gikan sa panganak) sa tawo o mananap (mammals).Daghan na sad ang colostrum nga gihimong produkto karon aron pag-ayuda sa atong pagdayet. Kini kadaghanan gikuha o gi-ekstrak gikan sa baka (cows milk). Ang New  Zealand nabaniog nga may daghang maayong klase sa mga binuhing baka.

Dinhing dapita sab nagagikan ang halos kasagaran sa mga pinulbos nga gatas (powdered milk) nga naa karon sa merkado. Giisip na natong kabahin kini nga may kapaninguhaan og dugang nutrisyon alang sa kahimsog sa panglawas. Tungod kay gatas kini sa mananap, giproseso ni nga gipahaum sa tawo pinaagi sa pagpatay sa mikrobyo o gi-sterelized nga dili makapa-alergy natong imnon.

Ang New Zealand aduna nay mga bag-ong teknolohiya ini aron makabaton og taas nga grado o kalidad (top grade) ang mga produktong natural gikan sa kinaiyahan sama sa tanom, mananap ug uban pa. Gani duna sila’y kaugalingong standard sa kalidad nga kini lubos (potent), puro (pure) ug maayo, sa dili pa nila ipasertipay sa mga institution o mga ahensya alang sa kalibutanong merkado.

Usa sa ehemplo niini mao ang produkto nga bag-ohay lang dinhi sa atoa, ang Alpha Lipid Colostrum, eksklusibo kining giproseso nga gi-patent aron pagseguro sa kalidad ini. Sa ilang research, ang alpha lipid maoy espesyal nga pormula nga gisangkap aron mas daling hilison o motuhop nga komportable sa atong digestive system.  Aron sa ingon dali sad moepekto ang mga nutreyens nga anaa sa colostrum. Kining produktoha ila sab giseguro nga kun puro (pure) nagkahulugan nga aduna usab kini daghang stem cells. Ang trabaho sa stem cells mao ang pagpalig-on ug pag-ayo sa mga tisyo o mga selyula,  maoy hinungdan nga kita abtik gihapon sama sa batan-on bisan pa man kun edaran na. Girekomendar kini nga isuplemento sa tanang pangedaron.

Gipakete ni pinaagi sa pinulbos, tabletas ug kapsula. Ang paagi sa pag-inom niini magdepende sa kahimtang sa panglawas. Sa dugang kasayuran, pwede mo magpakisayud sa mga natural health stores o sa kailang distributor. Seguroa lang nga kini mao gyud ang alpha lipid colostrum.