Kun dili ta mosandig sa America asa man ta mosandig?

Sa gusto ta’g sa dili, sa ganahan o suko tang Obama …sa atong kagamay nagkinahanglan kita’g daku ug gamhanan nga nasud nga atong kasandigan, labi na niining atong kahimtang karon nga gidaugdaug kita sa laing gamhanan nga nasud … ang China.

Dili sabton nga magpaulipon ug motila kita sa ilang lapalapa. Sa akong bahin, I’m just being practical ug realistic … nga kun magminaut ta, magpabilib ta, di ta mosangpit sa America, kinsa may atong sangpiton kun magkinaunsa ang panahon?

Of course, gumikan sa pagka-strategic sa atong nahimutangan, ug gumikan sa atong kultura isip dugay nang kaalyado sa America, nagkinahanglan usab kanato ang America. Sa ato pa, at home sila dinhi sa atong nasud. Ug duna kitay ika-bargain unsa man ang ilang mga hidden agenda.Niining atong pakighigala ug pakig-alayon sa America, ug sa pagduaw ni Obama dinhi sa atong nasud, diin ato siyang giabi-abi og maayo, waa man tingali i-surrender ni Noynoy ang atong sovereignty ngadto sa America.

* * *

Mora man og miinsistir sila nga ang bag-ong spelling sa breakfast … V-I-R-G-I-N-I-A gyud. Ambut ngano nga misugot man ang  KBP ug ang DepEd ini? Hangtud ang akong apo naglibog na lang hinuon.

Anyway,  ning panahon sa kabag-ohan, makahimo na kita bisan unsa atong buhaton. Ug walay magbuot kanato. Ug lagmit, ang Purefoods moinsister pud nga ang correct spelling sa corned beef … P-U-R-E-F-O-O-D-S.  Na hala!

* * *

Layo pa ang election,  although dinhi sa atong nasud, every day is election day. Maoy hinungdan nga tapus sa usa ka election, padayon ang pamolitika sa atong mga leader. Ug mao kini ang hinungdan ngano nga waa gyud mouswag kining atong nasud.

Ug tungod kay politika ra may naa sa sulod sa utok sa atong mga leader, kinahanglan mangawat sila (di sad tingali ang tanan) alang sa mosunod nga botasyon.

Ug tungod kay waa man gyuy makatagbaw ning kalibutan, dili igo ang usa ray asawa, usa ra ang kotse, usa ra ang apartment, usa ra ka ektaryang loti, usa ray bankbook, usa ra ka milyong peso o dolyar, ug unsa pa na diha …. maoy hinungdan nga naghitak ang corruption here and there.  Gani, the more nga magkadaghan ang imong kwarta, Sir, magkadaku usab ang imong demand ug desire to amass some more. Waa ka kamatikod ini, Sir?

When is enough is enough? Kanus-a man mohunong ang tawo pagpaningkamot, usahay pagpakauwaw, pagdugang sa iyang nagtipun-og na nga katigayonan? Alang ning kalibutan,  walay enough  kun kwarta nay hisgutan.

Maoy hinungdan nga kadtong nakaangkon na sa tanang katigayonan ning kalibutan, buot na usab nilang angkonon ang laing kalibutan … ang Mars. Pastilan, tawo!