Ang makaayong gahum sa paghikap

Nahimong sentro karong Domingoha si Tomas ang madudahon gumikan sa iyang dakong tinguha nga makahikap sa mga inagian sa lansang ingon man sa bangkaw sa lawas sa atong Ginoo.

Apan sa laing bahin ang “HIKAP” nga gipangayo ni Tomas sukwahi sa HIKAP nga nahimo sa Dios kanato sanglit karong Domingoha Divine Mercy Sunday man ug ang mga HIKAP nga nahimo nila ni Juan Pablo Dos ug Juan Biyente Tres sa atong kinabuhi ingon nga simbahan. Kun buot hunahunaon ang hikap adunay makaalim nga gahom ug makalig-on sa relasyon.

 Sa dihang si Tomas nakahikap sa mga samad sa atong Ginoo siya nakatuwaw: GINOO KO UG DIOS KO! Nga ang maong kamatuoran sa kabanhawan dili diay usa ka dakong tigmo. Ang kabanhawan kamatuoran nga nagdala og kaayohan ug paglaum gikan sa atong pagkasamaran.