Diyosnong drayber

Dihay usa ka drayber sa bus nga nagbiyahean sa North Cebu kinsa mangadye gyud una molingkod sa driver’s seat ug mopaandar sa sakyanan.

* * *

Iyang awhagun kadtong mga pasaherong ganahan moapil sa iyang pagpangadye. Ug hapit tanang pasahero moduyog kaniya.

* * *

Usa ka Amerikanong  nakasakay sa maong bus nanugilon sa iyang nakita sud sa maong sakyanan ngadto sa tinubdan niining atong istorya.

* * *

Tungod kay ang maong Amerikano nga pasahero usa ka Sunday school teacher ug Bible study instructor didto sa iyang dapit sa Amerika, gikalipay kaayo niya ang iyang nasaksihan. Ug  gani, suma pa sa atong tinubdan, malipayon siya nga nanugilon niini.

* * *

Matud pa sa maong Amerikano, daghan mang mga bus ang iyang nasakyan sa nagkadaiyang nasud nga iyang naadtuan apan kadto pang drayber nga iyang nakit-ang nangadye sa wa pa misugod sa iyang biyahe.

* * *

“Kun ang tanan drayber sa bus ingon adto kaniya, hayan mamenosan ang aksidente sa kadanan,” matud niya sa Iningles (ato lang gihubad sa Binisaya).

* * *

SA LAING BAHIN ... Nakabantay ba kamo nga mas menus ang aksidente sa mga sakyanan de pasahero sa norte kay sa south? Puwera buyag.