Tinuoray nga dinastiya

Dunay usa ka Indian (taga India) kinsa gibalita nga dunay 39 ka asawa, 94 ka anak ug 33 ka mga apo. Siya mao si Ziona Chana, 70 anyos, nagpuyo sa bukirang village kon barangay nga Baktwang, Mizoram, India.

* * *

Suma pa sa Washington Post si Chana ug ang iyang mga asawa, mga anak ug mga apo wa magkabuwag-buwag. Nagpuyo sila sa usa ka upat ka andana nga balay nga adunay 100 ka kuwarto.

* * *

Si Chana popular kaayo sa mga politiko sa ilang balangay tungod kay gamay ra ang populasyon ug ang makadani sa iyang pagdapig segurado gyud ang kadaugan sa piniliay.

* * *

Didto sa ilang dapit si Chana giilang maoy ulo kon head sa labing daku nga banay sa tibuok kalibutan ug naa say mitawag kaniya nga “kingmaker” sa ilang dapit. Kini tungod kay kun kinsa tong mga kandidato sa politika nga iyang paluyohan segurado gyud ang kadaugan.

* * *

Matud pa sa usa ka Pinoy nga tigpaniid sa politika, ang pamilya ni Ziona Chana maoy usa ka perpektong ehemplo sa atong gitawag nga political dynasty.

* * *

SA LAING BAHIN...Panahon karon sa pagpamalandong. Angay natong tumanon ang atong obligasyon isip mga Katoliko ang mga kasuguan sa atong Simbahan.