Ang pagpasaylo
Diha toy batan-ong pari nga nagmisa sa CCTN chapel diin sa iyang homily miingon nga ang pagpasaylo usa ka birtud nga gikahimut-an sa Diyos. Nalimot ko, sorry, sa ngan sa pari apan wa ko malimot sa iyang gisulti.
* * *
Ning bag-o pa dihay artikulo sa “Health & Family†section sa PhilSTAR diin ang tagsulat, usa ka doktor, miingon nga: “Forgiveness is good for your health.†Matud niya nga ang dili pagpasaylo moresulta sa paghatag sakit sa tawo.
* * *
Kun dili kuno kita makapasaylo, mahitabo nga moabot kanato ang sakit sa kasingkasing, sakit sa pangutok kon mental illness, ug uban pang mga balatian. Apan kun kita mopasaylo o makapasaylo sa mga nakasa kanato, kini moresulta sa maayo natong panglawas.
* * *
Suma pa sa atong tinubdan, ang pagpasaylo usa ka birtud kon virtue nga gigakos sa tanang relihiyon dili lang sa mga Kristiyanos kundili usab sa Judaismo, Islam ug Buddhismo. Ang maong mga relihiyon mitudlo nga ang pagpasaylo sa mga nakasala kanato maoy usa ka balsamo sa atong kalag kon “balm for the soul.â€
* * *
Mga pagtuon nga gihimo sa mga eksperto mipakita nga ang pagpasaylo mohatag og malinawon nga panghunahuna. Busa ilang gitudlo nga buhaton kini sa ilang mga pasyente. Ang kaparian sa Katolikong relihiyon kanunay usab nga mosangyaw sa sugo sa Ginoo nga magpasaylo.
- Latest
