Spokesman ng Supreme Court, hindi marunong magpaliwanag

ALAM n’yo bang binabatikos ngayon ang spokesman ng Supreme Court dahil hindi umano ito marunong magpaliwanag tungkol sa mga isyu sa Judiciary?

Ayon sa aking bubwit, happy birthday muna kay Marx Macalma, Derbie Garcia, Joe Dasig ng DZRH, Jimmy Morato ng DWIZ, Atty. Ric Valmonte, Bro. Joe delos Santos Jr., Sis Brenda Dy, Ester Boc at Julius Acollador.

Alam n’yo bang napipikon ang spokesman ng Supreme Court sa mga journalist na nagko-cover sa Judiciary?

Ayon sa aking bubwit, napapahiya umano ang nasabing tagapagsalita ng Korte Suprema dahil mas nauuna pang nakakakuha ng rulings o decisions ang mga reporter kaysa sa kanya.

Dahil resourceful at dahil na rin sa mga contact ng repor-ters sa ilang justices ng Korte Suprema, sila ay nakakaku-    ha ng mga “scoop” nang hindi nalalaman ni Spokesman.

Kaya kapag lumabas na ang mga kontrobersiyal na issues o decisions hindi naman ito ipinapaliwanag nang malinaw ng naturang spokesman.

Kung ikukumpara ang kasalukuyang tagapagsalita ng Supreme Court sa mga dating spokesmen, siya ay mahinang magpaliwanag. Matapos basahin ang SC  ruling, hindi na ito nagbibigay ng mga paliwanag.

Ayon sa aking bubwit, dahil hindi effective si Spokesman, siya ay inirereklamo ngayon ng reporters sa ilang justices ng Korte Suprema. May humihiling na palitan na siya dahil hindi umano marunong magpaliwanag.

Ang spokesman ay walang iba kundi si Atty. Theodore Te.