Kinabuhing artista

Temang nalambigit niini: Kalampusan, lawas ug bahandi

Kun diha sa imong damgo imong namatikdan nga ikaw usa na ka artista angayan lamang nga imong susihon kining mosunod nga mga isyu diha sa imong aktwal nga kinabuhi:

1. Pangindahay nga makab-ot ang imong kalampusan

2. Ang imong kahadlok  nga matigulang

3. Ang dakong tinguha sa bahandi

Kun atong susihon ang mga gipagawas sa medya ug ang gihimong sumbanan diha sa usa ka kinabuhing malampuson, kinabuhing maanyag, kinabuhing dato, mao gyud ang mga artista. Gamiton ang usa ka produkto kay lagi gi-endorso ni Kim Chiu o sul-obon gyud ang bisti nga gisul-ob ni Maja Salvador. Mura bitaw og gi-imply nga kun imo kining sul-obon mahimo kang si Maja Salvador. Sa laing bahin ang maong damgo mahimong hinungaw sa limbationg tinguha nga mahatagan og igong pagtagad sama sa pagtagad nga nahiaguman sa mga artista ning atong kapanahonan.