Mga tawong wala’y pinuy-anan mga makililimos

Mga Temang Nalambigit Niini: Pag-inusara, pinansiyal nga mga kabalaka

Ang maong matang sa damgo, hinungaw lamang sa kabalaka sa seguridad nga nasinati sa nagdamgo niini. Kahinumdoman nga si Jose sa Daang Tugon ang nihubad sa damgo sa Paraon mahitungod sa dakong gutom sa iyang gingharian nga tungod niini, usa ka dakong pagpangandam ang gihimo alang niini. Kini tungod kay nahimong kabahin sa sistema ug kabalaka niini ang gutom nga kasagaran ilang nahiagoman niadtong panahona. Natural lamang nga ang maong problema diha sa waking world ang mahimong mogawas diha sa damgo sa matag tawo ginamit ang gitawag natong mga simbolo sa tinuoray nga isyu. Kun ang usa ka tawo ang nagdamgo og usa ka makililimos o tawo nga libod suroy tingali mao kini ang iyang kabalaka sa aktwal nga kahimtang sa aspetong pinansiyal. Ang kabalaka nagasukad sa pangutana: "Unsaon na lang kun mahutdan ako sa akong pondo? Asa naman ako padulong? Kun ikaw ang nagdamgo niini mas maayo  nga imong sutaon ang imong pamaagi sa paggasto. Himoang dili molapas ang imong gasto sa aktwal nimo nga kinitaan?