Allergic kun magseks

Mora’g di katuhoan nga dunay ma-allergy kun magseks na.Pero may pipila nga nahasol aning problemaha. Sagad kini mahitabo sa mga babaye. Hinuon, kining kasoha, dili gyud ang seks maoy hinungdan, kun di sa pipila ka element diha sa seks – sama pananglitan sa duga sa lalake o semen. Ang gamay nga porsiyento sa kababayenhan nga allergic ngadto sa mga protina nga naa sa semen, ug kini maoy gitumbok nga hinungdan sa bation nga mga sintomas sa allergy.

Bisa’g dili kini komon, ang mga allergy sa seks, mosangpot usab kini sa ka grabe. “ Talagsaon ra gyud ni,” matud ni Dr. Jonathan Bernstein sa University of Cincinnati College of Medicine, kinsa maoy nagtuon aning seksuwal allergies sud sa napulo (10) ka tuig. “ Apan lisud pagkuha ang kasaligang ihap sa mga personal kabahin sa mga tinubdan. Sa akong taghap mao nga tingali sa kaliboan sa mga babaye, usa ray apektado niining problemaha,” niya pa.

Ang mga reaksyons sa semen, mahimong yano lang bation ang kasakit sa  vagina o kinatawo sa babaye, maghubag ug mangatol, mora’g lisud iginhawa. Pero kun nahimo kang biktima ning matang sa allergy, dili kini nagpasabot nga nahuman na ang imong kinabuhi nga tagamtamon ang kalalim sa pakigseks.

Ang grupo ni Dr. Bernstein, adunay nadebelop nga sulbad sa pagtambal, pinaagi sa bakuna aron mahibalik ang ilang normal nga aktibidad sa pagseks. Naa sab sila’y gihimo’g cream nga epektibo kayo bisan sa grabeng ka-alergy. Ipahid lang kini sa vagina sa di pa magseks. Ang problema sa bakuna, haskang mahala. Mokabat ang gasto gikan sa $2000 ngadto sa $5000, dili praktikal.

Apan makapahibung nganong di man mogamit og praktikal- barato ug luwas pa ,nga ang semen matigom ra man diha sa sud sa pagamit og kondom. Kini ang maisip nga labing maayong depensa batok sa allergy. Haytek na ron ug makapili pa kun unsay angay o mas maayong klase nga di maka-allergy. Tungod kay barato na kini, kausa ra gamita ayaw pagdaginot kay basi’g mabuslot kay natugsawan na kini og hilabihang kainit diha sa kombati sa seks.

Hinuon, aduna pay lain nga pagtambal aning problemaha, nga kun aduna moy nasinati nga kakulian nga modistorbo sa kalalim bation sa pagseks, ayaw kauwaw, makigkita dayon sa doctor nga espesyalista niining sakita.