Kinaiyahan

Nagpadayon ang kasuko sa kinaiyahan sa katawhan dili lang dinhi sa ato kundili usab sa uban dapit sa kalibutan, wa nay gipili si Mother Nature.

* * *

Human kusokuso-a ang Pilipinas sa bagyo ug linog, nibuto ang bulkan Mt. Kelud didto sa East Java, Indonesia daghang kinabuhi ang nakalas ug naangol.

* * *

Human sad ang grabeng snowstorm miigo sa Amerika, misunod pag-igo niini ang Tokyo ug uban pang mga dapit sa Japan diin miresulta kini og snowslides ug high waves. Nagpadayon pa gani ron ang snowstorm sa maong dapit.

* * *

Gibaha sab ang mga luho nga dapit sa Britain labi na ang mga dapit duol sa gibantug nga River Thames. Ang baha gida sa kusog nga uwan diin daghang nangamatay ug libuan ka mga bay ang nawad-an og kuryente.

* * *

Didto sa Brazil naigo ang Sao Paulo ug kapin sa 140 ka mga siyudad og grabeng huwaw (drought). Ang tubig girasyon na sa maong mga dapit.

* * *

Suma ning balita nga atong nadawat ning adlawa laing “round of snow blast” miigo sa na sad sa Northeastern USA diin ang mga tawo nabalaka kay bag-o pa gani sila ig-a og grabeng snowstorm.

* * *

Kining maong katalagman nga miigo sa daghan dapit sa kalibutan, lakip na ta, resulta na kini sa pag-abusar sa katawhan sa kinaiyahan. Ang labing maayong buhaton niini mao na lang ang pag-ampo sa Ginoo, pagpangayo’g pasaylo.

* * *

SA LAING BAHIN ... Daghang salamat sa atong mga suki sa Banat News diha sa mga barangay sa kalungsuran sa Norte.