Daylight saving time

Nganong wala  man tuod ta mag-Daylight SavingTime (DST) no?  Alas 6 sa buntag, ngitngit pa kaayo, alas 6 sayong gabii, hayag pa. Anugon ang daylight.

Hinumdom ko panahon ni Marcos, for the first time, nag-DST ta. First, nabag-ohan ta, apan naanad na dayon paglakaw sa mga adlaw. Di na ko kahinumdom kun pila to ka semana o buwan ang pag-DST. Basta kay nindot to nga experience natong mga Pinoy.

Sa America, mora’g ordinary na kaayo ni. Matud pa, hasta duha o tulo ka oras ang ilang i-advance. Dinhi sa ato, mora man to og usa ra ka oras.

Ambut kamatikod ba mo nga sa mga salida sa cine, hayag pa kaayo ang eksena, apan, mo-goodnight na ang mga artista. Usahay alas 7 o alas 8 na sa gabii, hayag pa. Mao nga inay mamauli na gikan sa trabaho sa regular nga mga oras, ilang hutdon ang kahayag … ilang i-save ug pahimuslan ang daylight.

* * *

Seguro na nga mobisita si Presidente Obama sa America, nganhi sa atong nasud, sa maghinapos ang Abril karong tuiga, silbing kabahin sa Asian tour ni Obama, naglakip sa Japan, South Korea, ug Malaysia. Kini, pagpalig-on sa relasyon tali sa America ug sa kanasuran sa Asia.

Matud ni Obama: “We will continue to focus on the Asia-Pacific, where we support our allies, shape a future of greater security and prosperity, and extend hand to those devastated by disaster – as we did in the Philippines, when our Marines and civilians rushed to aid those battered by a typhoon, and were greeted with words like, ‘We will never forget your kindness’ and “ God Bless America.’”

Mao kini ang tipik sa usa ka oras nga pamulong ni Obama sa iyang ikalima nga State of the Union address. Hinumdoman nga tapus sa typhoon Yolanda, mga eroplano, helicopters, ug ubang mga equipment ang gipadala nganhi sa atong nasud, pagtabang sa nabiktima sa killer typhoon.

Nindot ni, kay gawas sa pagpanalipod sa mga allies sa America dinhi sa Asia batok sa mga hulga sa seguridad, andam usab sila pagtabang alang sa ekonomikanhong kalambuan, labi na sa mga third world countries.

* * *

Sa Philippine Development Forum nga gihimo dili pa dugay didto sa Davao City, si Motoo Konishi, World Bank Director dinhi sa Pilipinas, namahayag nga ang Pilipinas dili na ang “sick man of Asia,”  kundili, “rising tiger” na ning dapita sa Asia.

“There is macroeconomic stability, and the fiscal situation of the government is sound and improving. The fight against corruption is being waged with determination, and is paying off.

Transparency is improving everywhere in the government,” nagkanayon si Motoo.

Tinuod, samtang dili madali ang paghimo’g mga reforms, labi na bahin sa corruption, kaylagi, maayo na kining pagkagamot sa atong kaunoran ug kaugatan, at least, aduna na kitay makita nga mga improvements, lahi sa unang mga administrasyon nga kutob lang ta sa mga press releases ug mga speeches.