Pinas nagpasalamat
Ang Pilipinas mipasalamat sa tibuok kalibutan tungod sa dili katupngan nga hinabang nga nadawat niini–nato–alang sa nabiktima ni Yolanda, ang giingong labing mabangis nga bagyo nga misalakay sa Kabisay-an sa kasaysayan sa kalibutan.
* * *
Aron makita sa kalibutan ang dakong pasalamat sa nasud nga Pilipinhon, mipahigayon kita sa pagmontar og electronic billboards sa mga strategic nga mga dapit sa kalibutan. Migasto og dakong kantidad ang atong kagamhanan alang niining maong mga electronic billboards aron sa pagpakita sa mga nanabang kinsa migasto usab og binilyong dolyares.
* * *
Ang maong mga “Thank You Billboards†nakadani og atensyon sa minilyon ka tawo sa kalibutan diin kini maoy tuyo sa maong mga billboards ... Ang pagkab-ot og halapad nga audience nga makakita sa atong pagpasalamat kanila.
* * *
Gikalipay sad sa mga Pinoy sa abroad ang maong “Thank You†billboards tungod kay mipakita kini nga ang Pilipinas makamao og respetar sa iyang utang kabubut-on. Matud pa ni Jonathan Jabat didto sa New York: “Salamat sa atong kagamhanan sa wala pagtalikud niini sa utang kabubut-on. Samtang nagtan-aw ko sa billboard diha sa Times Square, proud kaayo ko nga Pinoy ako.â€
* * *
Dinhi sa Sugbo, si Loy Jurado, usa ka inilang photojournalist kang kansang, adbokasiya mao ang pagtudlo sa kabatan-onan sa birtud sa pagpasalamat, mi-text kanato sayo sa buntag aron sa pagpahibawo sa iyang kalipay.
* * *
SA LAING BAHIN ... Daghang salamat sa atong mga mabuot nga magbabasa (sa Banat News) sa ilang nagpadayong pagsuporta ning atong mantalaan ... Happy Valentine’s Day kaninyong tanan.
- Latest
