Ang mga hunahuna nga gipadayag dinhi iya ra sa tagsulat ug walay labot ang Banat News ug mga sakop niini.
Ang kapobre maoy usa ka dakong suliran sa atong nasud nga bisan kinsa pang presidenteha ang nakalingkod sa Malakanyang, wala gyud mahatagi’g sulbad. Ang dato misamot kaharuhay samtang ang kabos misamot kaut-ot! Imbes modiyotay ang nag-ilaid sa kalisod misamot hinuon sa paglipang. Ngano? Kay imbes i-edukar ang katawhan sa gobiyerno mao hinuoy gipalabi sa tigpanday’g mga balaud ang pagpadayon sa pagpangurakot.
Inay sudla’g maayong kahibalo ang ulo sa katawhan, gipuno na hinuon ang utok sa mga ginadiling drugas. Dakong rason nganong dili masulbad ang problema sa drugas? Kini tungod kay nagawngan man ang mananakop sa mga bigtayim nga dakpunon. Pila ra man intawo’y suweldo sa mga military nga ilang madawat sa gobiyerno, ikomparar sa dinagkong offer sa mga drug lord? Kay kun seryosohon lang gyud sa puwersa sa militar ang pagpanakop ning mga dautang elemento, hagbay ra ning nasulbad, uy!
Pero unsaon, di man kahatag ang tagdumala sa nasod og dakong suweldo sa atong kapolisan ug kasundalohan kay ang ila mang bulsa maoy unang gibusog. Ang mga ultimo, kinsa maoy plastada pirme sa kuyaw’ng trabaho nga giatubang, pirme lang intawong gigutom. Resulta, natakdan sad. Ang nahimong makaluluoy, kitang masa-napasagdan na lang nga nagkamang sa kawad-on.
Duroha ka polis, kinsa nagbantay’g pasyente sa usa ka pangpubliko nga ospital, mitug-an nga ang maong pasyente napugos sa pagpangawat tungod sa sakit sa diabetes. Gituyo niini ang pagpanglabni sa bag nga dili iyaha aron siya dakpon ug prisohon. Kay oras nga anaa na siya sa bilanggoan, inig sugmat sa iyang sakit didto sa sulod, dad-on man dayon siya sa ospital sa gobiyerno ug patambalan nga libre. Dili kay siya ray mibuhat dinhi. Daghan! Ug mismo ang atong kapolisan nasayod niini.
This is a very alarming, hurting and touching situation. It’s time for the President of the Philippines to give proper education to his people, stop corruption, solve unemployment problem and eliminate unfair labor practice. Ang pangutana: “Kaya kaha ning PNoy?†Belib gyud ko, basta masulbad ning problemaha.