Corruption, public enemy number one lang gihapon

Hinumdoman nga atong gipalagpot si Marcos, gawas sa iyang pagka-diktador, gumikan sa corruption. That was more than 25 years ago.  Dugay nang na-waa si Marcos, apan nagpabilin ug misamot ang corruption.

Sa ato pa, dili nato, necessarily ika-associate si Marcos sa corruption. Upat ka presidente ang milabay after Marcos, apan karon, sige pa ta’g pakigbugno batok sa corruption uban sa pagtuo nga kun walay corrupt, waa say mahirap.

Unya, daku ang atong paglaum nga finally, mabuntog ra gyud nato ang corruption, uban sa battlecry ni Noynoy pagsubay sa tul-id nga dalan.

Apan, unsa man? Mora man og misamot ka baliko ang dalan nga ato karong gisubay.

Mituyhakaw ang nagkadaiyang matang sa corruption nga waa nato sukad masinati.

Of course, dili nato mapasanginlan directly si Noynoy niining paghitak karon sa corruption, nga tulo na man ka tuig nga na-waa si Gloria ug kapin na sa 25 ka tuig sa atong pagpalagpot ni Marcos.

In fairness hinoon ni Noynoy, wala pay makatulisok kaniya nga siya, personally, nangawkaw sa salapi sa lungsod. Mao man gani hinungdan nga economically, miuswag ang atong nasud … ang international community, lakip na ang IMF ug World Bank, mi-acknowledge sa atong paningkamot pagsanta sa corruption.

Apan, alang ni Jim Yong Kim, president sa World Bank, “in the developing world, corruption is public enemy number one.” Ug ang atong nasud, usa man sa mga developing countries,  public enemy number one gihapon ang corruption.

Dugay na ni natong giisip nga enemy number one. Sa mga press releases sa gobyerno, ug sa mga maisugong pakigpulong sa kadagkuan sa kagamhanan, atong gibatokan pag-ayo ang corruption. Apan kutob lang ta sa mga press releases ug mga pakigpulong. Pastilan!

Mipadayon si Kim: “Every dollar that a corrupt official or a corrupt business person puts in their pocket is a dollar stolen from a pregnant woman who needs health care, or from a girl or a boy who deserves an education.”

Pagkadaku’g sala niining mga tawhana batok sa katawhan.  Ambut ngano nga waa man ni sila mangapriso. Mga snatcher og cellphone, kun madakpan, priso dayon. Apan, hangtud karon, waa pa hibaw-i kun kinsa nga mga bulsa ang nasudlan sa 10 billion peso-pork barrel scam.

Giisip nga usa ka sakit nga cancer ang corruption. Apan, sa early stage, dunay cure ang cancer. Apan, ang corruption, tungod kay nakagamot na kini’g maayo sa atong kaugatan ug kabukogan, late stage na, mora’g waa nay cure. Di na gani kini ikauwaw sa uban, basta di lang masakpan.

Hinoon, di lang ta magpa-waa sa paglaum. More or less, gumikan sa pag-react na sa citizenry, nadutlan na silang mga corrupt officials. Hinaut nga mobati na sila’g guilt, ug bisa’g gamay na lang nga uwaw, ug dili nila himuong gatasan ang panudlanan sa gobyerno.

Anaa sila sa gobyerno, to serve, not to make money. Let’s support the daang matuwid ni Noynoy, inay atong ipa-impeach.