Kun mag-brownout

Unsay inyong buhaton sa bay kun adunay taas nga brownout -- pananglitan 10, 12 o 15 oras? Naay manglingkod lang ug magsige’g pamaypay, naay mangadye og rosaryo og kinse misteryos hangtud dukaon, etc.

* * *

Si Naring (apelyido gipugngan), usa ka maestra, mag-knitting o maggansilyo, nga maoy naandan niyang buhaton bisan way brownout. Hinayagan gamay og kandila, si Naring molingkod sa katre ug mag-knitting.

* * *

Kausa, dihang ni-brownout og kapin sa napu ka oras, si Naring nakahuman og TV top cover pagsiga sa suga. Gipalit sa iyang amiga og P300.

* * *

Kun hayag pa mag brownout, si Roming, bana ni Naring, mamanday sa mga guba-guba sa ilang bay, butang nga wala siya’y panahon kun walay brownout. Si Roming trabahante sa usa ka welding shop.

* * *

Naay pundok sa mga batan-on diha sa may Punta Princesa nga samtang naghuwat nga mosiga balik ang suga, magtukar-tukar sa gitara ug manganta. Kanta sa simbahan kay miyembro sa Youth Club sa ilang simbahan.

* * *

SA LAING BAHIN ...Dunay coming brownout sa among dapit karong Enero 25 napu ka oras kini nangandam na sa ilang buhaton ang among mga silingan samtang among mga mata ray magsiga. Hehe...Salamat sa among mga newsboy nga mitabang kanamo pagpadayon sa nagkataas nga sirkulasyon sa Banat News.