EDITORYAL - Pangunahan ni PNoy ang Prayer ugma

Ang One Nation in Prayer usa ka pagpasalamat sa Dios nga nakabangon  ang  nasud  human  kini   pakamanga  sa  nagkadaiyang  katalagman.

Ipahigayon  kini  sa Malacañang ugma  nga  pangunahan  mismo ni  Pres. Aquino.

Mas maayo  nga  adto ihalad  sa presidente  ang  pasalamat  sa tinuoray  nga  Dios  nga  magbubuhat  sa tanang  mga  butang.

Gani  tambongan  kini  sa nagkalainlaing  representante  sa  mga  relihiyusong  pundok.

Sa  maong  pag-ampo  way  laing  halaran  og pasalamat  kundi  ang  Dios, tungod  kay  siya ang  naghatag sa maong  mga  katalagman  ug  ilhon  usab  nga  siya ang  mitabang  aron  makabangon  ang  nasud.

Maayo  unta  kun  kining  nahunahunaan  sa  presidente  nga  himoon   niya  sa tanang  higayon  nga  dimalas  man  o  debuwenas  ang muabot  sa nasud  way  laing  sangpiton  kundi  ang  tinuod  nga  Dios.

Tingale  kun  mao  kini  batasanon  ni PNoy, kadtong  mga Filipino  nga  wa  makaila  sa matuod  ng  Dios,  mabuksan  ang hunahuna  ug  mangita  na  sa maong  Dios.

Hinuon  lisud  na  lisuon  ang isip  sa katawhan  karong  panahona  ilabi  na  kadtong  nadutlan  na  pag-ayo  sa  sayop  nga  pagtuo  bahin sa matuod  nga  Dios.

Gumikan sa  sayop  nga  pagtuo,  imbis  matuod  nga  Dios  ang  simbahon,  dios-dios  na  hinuon  ang giila, apan  samtang  buhi  pa,  may  panahon  pa   sa pagsusi  sa kamatuoran.