Kasinatian sa Pag-ampo: Ang pag-ayo sa dili maayong garbo

Dunay duha ka mga matang sa garbo. Ang usa maayo ang usa dili. Ang maayo nga garbo mao ang pag-angkon uban ang pagpasalamat sa mga nindot nga nahatag sa Dios alang kanato. Apil na niini ang mga gasa ug kaantigohan. Sa laing bahin, ang dili maayong garbo mao ang kahimtang diin ang tawo nahimong nagmapahitas-on agi’g pagtago sa iyang kakulangan ingon nga tawo. Mapahitas-on siya nga tungod niini nahimong iyang himuon ang uban nga mag-agad sa iyang sukaranan kon standards. Dili maayo ang linugdangan sa pakiglambigit ngadto sa uban. Gamhanan ang pag-ampo uban ang pagtuo. Aron mas mahimong konkreto kini mahinungdanon usab nga paubanan pud kini og rituwal o mga rituwal. Buhaton kining mosunod:

1. Sulod sa lawak tinak-opan moatubang ikaw sa krusipiho. Sud-onga si Jesukristo atong Ginoo nga mapaubsanong nagpakamatay tungod ug alang kanato. Himoa kini sulod sa lima ka mga minutos.

2. Angkuna ngadto kaniya ang tanang pagpagarbo nga imong nahimo.

3. Luhod dinupa ang imong mga kamot uban ang pagduko sa imong ulo. Pangayo og pasaylo.

4. Ampoa ang Litaniya sa pagpaubos. (Litany of Humility).

5. Hapa sa salog ug pangayoa sa Ginoo ang grasya sa pagpaubos.