Mr. Barangay

BRGY CALAMBA, CEBU CITY

“Sir naunsa na man ning V. Rama nga gihimo na man ning carwash ang duha ka lane wala may aksyon nga gihimo ang taga CITOM ani nga klaro man kaayong nakalapas na sila sa balaud.”

BRGY LABANGON, TABOGON, CEBU

“Diri sa among lugar Sir naay relief goods pero wala man ipanghatag sa kapitan gipaguna pa man hinuon ang mga tawo una pa hatagan nga unta klaro man kaayong nagkinahanglan pa gyud mi’g tabang hangtod karon.”

BRGY TINAGO, CEBU CITY

“Sa silangan uno magpatabang mi sa sitwasyon diri kay naay namaligya diri’g shabu nga silingan ra sa midaug nga konsehal unya pa gyu’y namaligya’g rugby pero wala man gyod ni siya magpakabana intawon nga klaro man kaayo ang illegal nga kalihukan.”

BRGY IBO, LAPULAPU CITY

“Nahibulong lang ko sa among kapitan diri Sir nga estrikta kaayo sa paglabay sa mga basura pero walay truck nga nagdagan para mangolekta og mga basura  sinako na man ning natigum namo baho na kaayo.”

BRGY TONGGO, SAN FERNANDO, CEBU

“Ako lang panawagan sir Jun sa among mga opisyal sa barangay labi na sa among kapitan nga unta aksyonan o badlungon nang namaligya’g illegal nga drugas ug sugal nga naa ra duol sa barangay hall gipasagdan ra man tawun na.”

BRGY LIBURON, SAN FERNANDO, CEBU

“Naunsa na man ning poultry diri grabe kaayo kabaho unya daghan sad kaayo’g langaw kuyawan mi naay mangasakit labi na sa mga bata, wala may aksyon among mga opisyales sa barangay.”

BRGY TALANGNAN, MADRIDEJOS, CEBU

“Naglibog man mi diri sa among lugar kay ang pagpanglista sa mga nabiktima naa may pinalabi kay kasagaran sa mga gilista nga totally damage kadto man hinoon ang way mga balay unya kadtong supporter sa among kapitan, luoy kaayong uban nagub-an kay wala gyod malista.”

BRGY TALISAY, STA FE, CEBU

“Diri bitaw sa among lungsod Sir kay hapit na gyud malukop sa illegal nga panagat kay ang bantay dagat diri wala may pakabana daghan na kaayo’g tapaytapay labi na panahon sa kagabhion.”

BRGY BABAG 2, LAPULAPU CITY

“Ipasusi tawon ni sa laing mga polis Sir ning among lugar kay gahitak man tawon diri ang illegal nga drugas, makalagot kaayo kay inig ka gabii sige’g uwang ang iro kay bisan kinsa na lang nga mga tawo ang mosulod diri sa among lugar.”

BRGY MAYA, DAAN BANTAYAN, CEBU

“Diri sa sitio Tagasa sir Jun hangtod karon wala pa gyod mi kuryente wala pa gyod mi palinyahi diri para unta makasuga nami kay dugay nami nag-antos aning problemaha.”

* * *

Alang sa inyong mga reklamo text lang sa 09071678643 / 09163869202