Ang unang Sinulog

Reprint ni sa una natong mga column bahin sa unang Sinulog parade, kinsa ang nagpasiugda niini, kinsa ang unang mga tawo nga na-involved, ug unsang tuiga kini gisugdan. Maayo man sad nga molingi ta sa kagahapon, aron kadungagan ang atong pag-appreciate ning maong selebrasyon nga nakadani na sa pagtagad sa tibuok kalibutan.

Hinumdom nga sa tuig 1980, usa sa mga tigum sa AFRENA7  kon Association of Regional Executives of National Agencies in Region 7 (nga mugna ni Godo Roperos, ang unang regional director sa Department of Public Information), gi-introduce ni Customs Collector Boy Odilao, concurrent Director sa MYSD, ang ideya sa Sinulog, pagpalapad ug pagdala ngadto sa kadalanan niining pagsayaw-sayaw sa mga tindera sa kandela sa simbahan sa Sto. Niño.

Nagpatudlo una sila sa mga tindera sa kandela sa mga steps sa Sinulog. Officially, gibunyagan kini og ‘’Sinulog sa Sugbo,’’ tungod kay matud ni Odilao daghan kaayong dapit sa tibuok nasud nga nag-debosyon sa Sto. Niño nga mag-Sinuolog pod.

Ang unang souvenir program, gipatik  “Under the auspices of MYSD 7, The Agustinian Community, Cofradia del Santo Niño de Cebu, in cooperation with the City Government of Cebu, Afrena 7, and the Rotary Club of Talisay. Gawas ni Odilao, mihatag sa mga mensahe sila si Gobernador Eddie Gullas; Mayor Florentino Solon; Fr. Medardo Durmiendo, Rector sa Basilica; ug Mrs. Josefina R. Gullas, presidente sa Cofradia del Sto. Niño.

Misalmot sa unang Sinulog 1980, ang mga estudyante sa  CCC, CIT, CSAT, CSJ-R, SWU, USC, USP, ug UV, ug ang mga tribo Kalubihan, Habagatan, Pagatpatan, Dunggoan, Kasapaan, Kamagayan, Parian, ug Pili-Kanipaan.  Ang na-involved sa produksiyon, kaabag ni Odilao, sila si: Loreto M. Palapos, Freddie Mendoza, Myhc Gonzales, Jess Labrador, Domingo Estabaya, Resil Mojares, Virgilio de la Victoria, Diana Panal, Herminia de Leon, Carmen Angbetic, Salustia Dadula, Dolores Suzara, Mary Aracan, ug Andrea Tecson.

Committee composition: Director Gene Labella, Orlando de Fiesta, Atty. Manuel Oyson, Jr., Eleodoro Mongaya, Juanito Jabat, Col Rodrigo de Guzman, Col. Guillermo Corazo, Capt. Fritz Quiñanola, Lt. Rodrigo Inoferio, Mrs. Estela Manuel, Dalmacio Bermillo, Jocelyn Fuentes, Norma Olmos, Juliet Arceo, Melanie Bongbong, ug Alex Lopez.

Sa ilang mga messages, sila si Gov. Gullas, Mayor Solon, Fr. Durmiendo sa Basilica, ug Mrs. Gullas, nagpasalamat ug mi-congratulae ni Odilao sa pagmugna Sinulog sa Sugbo -1980. Dugang mga personalities nga na-involved sa unang Sinulog sa Sugbo, isip mga coordinator ug trainor, naglakip kanila ni: Diana Panal, Roberto Gallofin, Herminia de Leon, Reggie Castañeda, Elma Ocampo, Carmen Angbetic, Luz Burgos, Elmer Orquina, Salustia Dadula, Edgar Alejado, Vic ky Exaltacion, Myhc Gonzales, Mila Emnace, Dolores Suzara, Susan Bonjoc, Virginia Coscos, Mary Aracan, Delia Torralba, Andrea Tecson, Hedeliza Callelero, ug Fe Completo. Ug isip Presidente sa KBP, daku usab og natampo sa kalampusan sa unang Sinulog sa Sugbo, si Jun Kintanar sa DYRC.

Ang Executive Committee, gilangkoban nila ni Mayor Solon isip Honorary Chairman, Odilao, Chairman ug mga sakop sila si Fr. Durmiendo, Mrs. Josefina Gullas, Labor Director Francisco Arnado ug Atty. Leonardo Manlosa.

Ang mga tawo nga na-involved sa produksiyon, kaabag ni Odilao, sila si Loreto M. Palapos, Freddie Mendoza, Myhc Gonzales, Jess Labrador, Domingo Estabaya, Resil Mojares, Virgilio de la Victoria, Diana Panal, Herminia de Leon, Carmen Angbetic, Salustia Dadula, Dolores Suzara, Mary Aracan, ug Andrea Tecson.

Kun unsa karon ang Sinulog sa Sugbo, kini tungod sa mga nagpasiugda niini, ug sa mga tawo nga misunod kanila. Pit Senyor!