Mga lamas sa kinabuhi Bokasyon, misyon, singot

Adunay mga higayon nga ang tawo mawala ug masaag sa dalan nga iyang gisubay. Usa sa mga epektibong paagi sa pag-ayo sa kaugalingon gikan sa sulirang emosyonal ug sikolohikal mao kining mosunod:

1. Paghimo og usa ka intrapersonal nga pangutana: "Unsa man gyud ang akong buot kab-uton sa akong kinabuhi? Kay ning maong pangutanaha atong makita ang atong bili ingon man ang atong tumong. (Bokasyon)

2. Pagpamalandong sa mga butang nga mahimo nimong himoon agi’g linugdangan sa matang sa dalan ug kinabuhi nga imong gisubay. (Misyon)

3. Pagdawat sa mga sakripisyo ug responsibilidad nga kuyog ning maong matang sa kinabuhi nga imong gipili. (Singot)

Tinuod adunay mga kausaban ang tanan nga imong gipanghimo ug gihunahuna apan luyo ning maong mga kausaban anaa ang bugtong tinguha nga magpabilin uban kanimo. Kini mao ang matang sa kalipay nga imong gipangita nga maghatag kanimo og katagbawan