Mga banay ning adlaw sa Pasko

Ang Pasko kasaulogan sa kalambigitan. Ang Pasko kasaulogan sa kinabuhi. Kini ang dugokan sa atong pagsaulog sa Pangilin sa Balaang Banay nila ni Jesus Maria ug Jose.

Diha sa tawhanong panimalay naumol ang usa ka Ginoo nga maantigong mobati sa atong mga panginahanglan ug mga yangungo.

Ang kasaulogan sa Pasko maoy tukmang panahon sa paggahin og tukmang panahon uban ang mga mahal sa kinabuhi. Bahala na og walay igong hikay o materyal nga kabuhong ang mahinungdanon mao ang pag-awat sa birtud nga gipakita sa Balaang Banay sa Nazaret.

Ning panahon sa kalisud, kita gidapit nga magmalig-on diha sa atong pakigrelasyon ingon nga banay. Diha sa paggahin og igong panahon sa usa’g-usa ingon man uban ang maampoong tinguha, ang matag banay mamahimong salag sa kinabuhi ug tuburan sa kinabuhi alang sa uban.