P12,600 Christmas gift alang sa GSIS pensioners! Ang SSS?
Una sa tanan, alang niadtong wa pa kahibawo … ang pagpanghatag sa cash assistance ngadto sa mga senior citizens, ugma gyud, Sabado. P2,000 ra hinuon, ang balansi nga P2,000 alang niining tuiga, sa petsa 29 na tingali kuno. North sa buntag ug South sa hapon. At least duna tay pinaskohan karong tuiga.
Kapin sa 200,000 nga mga pensioner sa GSIS makadawat (lagmit duna nay nakadawat) og pinaskohan mokabat og P12,600 matag pensioner. Misuway ko’g tawag sa telepono sa SSS … sa 2549324 … pirmeng busy. Ug usa ra ka number ang nabutang sa directory. Busa, wala ta mahibawo kun duna ba sila’y susamang pahalipay nga gihatag sa GSIS ngadto sa ilang mga pensioner. Lagmit duna.
Kapin sa 2.1 bilyones ka pesos ang gigahin sa GSIS alang ning maong katuyoan, 16.7 percent nga usbaw gikan sa 1.8 bilyon ka pesos nga gahin sa miaging tuig. Nindot no? Ang SSS?
Di lagi makontak. Kinsay makadawat? Giingon dinhi, atong kutloon: “Entitled to receive the cash gift are 282,400 active pensioners who have been receiving their regular monthly pension as benefits for retirement, old age and disability for at least five years.†So, kadto rang active pensioners ang makadawat.
Ug niining tungora, atong pahinumdoman ang GSIS ug SSS sa ilang katungdanan pinasikad sa balaud pag-review ug pag-update sa madawat nga pension sa ilang mga sakop. To reiterate, ania ang balaud sumala sa RA 9257 of 2003, ug gipadayon pag-provide sa RA 9994 kon Expanded Senior Citizens Act of 2010:
“Retirement benefits of the retirees from both the government and the private sectors SHALL BE REGULARLY REVIEWED to ensure their continuing responsiveness and sustainability, and to the extent practicable and feasible, shall be upgraded to be AT PAR with the current scale enjoyed by those in actual service.â€
Gituman ba ni? Sukad sa 2003, hangtud karong tuiga, kapila man mag-regularly review, ug kapila mag-upgrade ang GSIS ug SSS sa pension nga madawat sa mga retirees? Ngano man nga hangtud karon daghan pa mang mga SSS pensioner nga gagmay gihapon og gidawat?
Arang-arang ang mga GSIS pensioner kay dagku sila’g madawat itandi sa mga SSS pensioner. Unya, makadungog tag mga istorya sa kanunay’ng ipasigarbo sa SSS nga daghan sila’g kuwarta kay maayo na konong pagka-manage ang maong ahensiya sa gobyerno ubos sa pamunoan ni Noynoy.
Mao ba? In the meantime, paminaw sa Senior Citizens Hour sa DYRC, 648 KHZ matag Sabado, 5:00 to 6:00 pm. Tels. 4125249 ug 45125298.
- Latest
