Mr. Barangay

Hangtod karon padayong nagbagulbol ang ubang molupyo sa dakbayan sa Mandaue tungod sa gipatuman nga "no stopping" area sa nagkadaiyang dalan sa siyudad sa TEAM Mandaue pinangulohan ni Edwin Ermac. Ako saksi ko sa kahasol ug pag-antos sa mga pasahero nga para sa Looc ug Cambaro kay ang Plaridel Street wa na butangi og stopping area alang sa tanang sakyanan. Angayan nga molihok na ani ang konseho sa Brgy. Cambaro ug Looc pinaagi sa paghimo’g resolution o ordinansa nga ipadangat sa city council aron mapakgang ning gihimo sa TEAM kay gisilutan man intawon ang mga tawo aning ilang kalaki. Bisan si Mayor Jonas Cortes angayan na sab nga mosusi ani kay tingali’g maglagot ang mga tawo sa iyang administrasyon tungod lang aning dili maayong ideya ni Edwin Ermac. Hinaut nga matagad na kining problemaha

BRGY DANGLAG, CONSOLACION, CEBU

“Grabe  na kaayo ang sugal ug shabu diri sa among lugar sir Jun diri sa among silingan magbuntagay ang mga badlungon usahay mangawat na lang para makasuyop ug makasugal.”

BRGY TEJERO, CEBU CITY

“Ako lang hangyo diri sa sitio Sambag nga dakpon na unta ning namaligya’g shabu kay maoy nakahatag problema diri naa man unta ni silingan nga polis diri.”

BRGY TAYUD, LILOAN, CEBU

“Mr. Barangay ipasumpo tawon ni druglord diri sa Simborio kay grabe na kaayo kaabusado usahay magpabuto pa sa ilang armas nahadlok na intawon me diri nga iyang mga silingan.”

BRGY TOMONOY, MOALBOAL, CEBU

“Ask lang unta ko Sir nga naa bay solusyon ning problema sa illegal nga drugas nga naghitak na diri wala may pakabana ang mga polis diri.”

BRGY BANGKAL, LAPULAPU CITY

“Palihog ko’g pasusi diri sa among lugar Sir kay  naa baligyaanan diri bugas nga kamahal kay wala na daw kunoy supply giingnan pa gani mi nga magtingob mig palit og bugas.”

BRGY MANTAYUPAN, BARILI, CEBU

“Kining sapa diri kay gisigihan man kubkob sa mga tawo og bas nabalaka mi diri nga mabangag unya ni nga makadaot sa mga nanimuyo diri duol sa lugar, hinaut unta nga mahatagan nig dinalian nga aksyon.”

BRGY LANGTAD, NAGA CITY

“Grabe  na man ang pagpamaligya’g shabu diri Sir sa among lugar pero ngano wala man gyod ni masulbad sa mga opisyal diri sa among barangay, asa na man sad ang mga polis wala man kasulbad.”

BRGY POBLACION, TOLEDO CITY

“Ang among lugar murag maoy kinahugawan nga siyudad sa Sugbo naa pay karsada ug drainage way klaro hinaut unta nga magmata nang mga tawo sa Toledo niining kahimtang sa syudad.”

Happy birthday ni NEMESIO “HIMBES” VELIGANIO SR, ROLITO VELIGANIO ug ALADIN “JUNVEL” VELIGANIO.

Alang sa inyong mga reklamo text lang sa 09163869202