Tinabangay

Duna kita’y mga higala nga nakasuroy sa Tacloban ug mga kasikbit nga dapit human sa pag-ataki ni super typhoon Yolanda ug silang tanan nakaingon nga grabe gayud ang pagkaguba sa Tacloban.

* * *

Silang tulo miingon nga: “Ambot unsaon pagpabangon sa Tacloban base sa among nakita.”

Apan si ex-Sen. Ping Lacson kinsa maoy gisangonan sa atong national government sa pagpabangon sa maong dapit isip Rehab Czar masaligon nga mobarug pagbalik ang Tacloban sa dili pa mahuman ang termino ni PNoy isip pangulo.

* * *

Makab-ot kuno ni Ping ang target pinaagi sa bayanihan kon tinabangay. Kun tabangan siya sa pagduso sa maong siyudad ngadto sa kalampusan.

Tinuod bitaw. Kun ang tanan magtinabangay sa pagpaligid sa ruweda ngadto sa unahan, diin dili sagulan og politika ug sa gitawag sa atong kaigsuonan sa Bohol nga idya-idya, magmalampuson gayud si Ping Lacson.

* * *

Si Ping mismo miangkon nga ang bayanihan spirit, maoy iyang gisaligan nga makatabang kaniya sa pagkab-ot sa kalampusan. Busa kami nitanyag sa among unconditional (walay kondisyon) nga suporta ngadto ni Sir Lacson.

* * *

SA LAING BAHIN ... Dihay usa ka langyaw’ng enhenyiro nga misulti sa tv nga way rason nga mapakyas si Ping Lacson basta hatagan siya og 100 percent nga suporta sa katawhan labi na sa mga Leyteno ... Daghang salamat sa atong mga higala diha sa Mambaling-South Road kinsa mga loyal readers sa atong Banat News.