Pamaagi sa pag-ampo ginamit ang gininhawa

1. Lingkod og tarong. Sinatia ang imong tiil nga midapat sa salog, ang imong mga kamot ibabaw sa imong mga paa, sinatia ang hangin nga midapat sa imong kalawasan.

2. Ginhawa og lawom uban ang pagyamyam diha sa kahilom: Ginoo kong Jesu-Kristo. Diha sa imong hunahuna, aninawa ang kinatibuk-ang bayhon sa atong Ginoo nga miduol kanimo. Sinatia ang iyang presensiya, puy-i ang maong presensiya sa maong panahon. Ihatag ang imong pokus ning maong presensiya, ipabuhagay ang buot mong ipabuhagay ngadto kaniya. Dawata ug himoang kabahin sa imong ginhawa ang mensahe nga buot isulti sa Ginoo nganha kanimo.

3. Himoa ang kinatibuk-ang pagtugyan ngadto kang Jesu-Kristo pinaagi sa pag-ila ug pag-angkon sa mga tensiyon nga imong nasinati. Aninawa ang mga tensiyon sa imong lawas ug sa nagkadaiyang bahin niini.

4. Ibungat kining maong pag-ampo: “Amahan sa imong mga kamot, gitugyan ko ang akong kaugalingon!”

(Cf. Prayer Course for Healing Life’s Hurts by Matthew, Dennis, Sheila Fabricant Linns, p.20).

Pahinumdom: Himoa kini sa sayong kabuntagon ug mga pulo ka minutos sa dili ka pa matulog matag adlaw.