Zambo nalimtan?
Usa ka Sugbuanong mediaman nga adto na sa dakbayan sa Zamboanga nanimuyo “nahisagmuyo†tungod kay matud niya nahikalimtan na ang ilang siyudad nga naguba gumikan sa nahitabong gubat nga nahitabo tali sa mga rebeldeng Muslim ug militar.
* * *
Matud niya ang mga hinabang ug atensyon sa gitawag niyang “good samaritan†ug sa kagamhanan mismo atua na nasentro sa Leyte ug Samar ug ubang probinsiya nga naigo sa super typhoon nga si Yolanda.
* * *
“Ang Zamboanga baya grabe sang gubaa, daghang panimalay ang gisunog sa mga rebeldeng Muslim ug libuan nga mga tawo ang hangtud karon wala pay bay ug anha lang nanimuyo sa tent,†suma pa niya.
* * *
Kadaghanan kuno sa mga biktima sa miaging gubat wa pa makabalik og trabaho gumikan kay kasagaran kanila “busy†pa sa pagpabangon sa ilang pamilya. Naay mga natangtang sa trabaho tungod kay dugay wa nakabalik.
* * *
Miangkon kining atong higalang periodista nga mas dakong kadaut ang nahimo sa bagyo didto sa Leyte ug Samar apan matud niya dili lang kalimtan sa hingpit ang Zamboanga kay libuan pa ang nagkinahanglan og tabang sa kagamhanan ug sa pribadong sektor.
* * *
“Sa tinuod lang,†suma pa sa usa ka opisyal sa national government, “wa gyud hikalimti ang Zamboanga.†Nagpadayon kuno ang tabang. “Galing lang,†suma pa niya, “ang publisidad adto napunting sa Leyte ug Samar.â€
* * *
SA LAING BAHIN ...Daghang salamat sa atong mga suking magbabasa diha sa North Reclamation Area, labi na sa may pantalan dapit.
- Latest
