EDITORYAL - Yolanda labing kusog nga bagyo

Giingon  nga  ang  bagyong Yolanda maoy labing  kusog nga bagyo sukad  tukora  sa Dios  ang  kalibotan.

Kay kadtong  lunop  sa panahon  ni  Noe, puro  uwan  ra man  kadto  nga way  hangin.

Apan tungod  kay 40 diyas ang  maong  uwan, adlaw ug gabii,  dali kaayong  napuno  ang  kalibotan  sa tubig  nga  nangamatay  ang  tanang  tawo gawas  lamang  ni  Noe, iyang  asawa, tulo ka anak  babaye  ug  tulo  ka umagad  nga  lalaki.

Matud  pa  sa mga batid  sa kahimtang  sa panahon  sa tibuok  kalibotan  nga  wa  pay  nalista  sa  record  sa kasaysayan  sa  kalibotan  nga  may  susama  kakusog  sa hangin  nga  dala  sa bagyo  nga  Yolanda.

Daghan  kaayo  ang  miingon  nga  murag  di madugay  mobalik  na  si Cristo ,  o kaha matapos  na  ang  kalibotan.

Apan  sumala  sa Biblia, bisan  kun  anaa  na  ang  tanang  mga  timailhan  nga   tapuson  na  sa Dios  ang  kalibotan, apan  way  laing  nasayud kanus-a  kini  mahitabo.

Kay  bisan  si Cristo  suma  sa  Biblia  wa masayud    kun kanus-a  siya  pakanauga  sa  Dios  nganhi  sa yuta aron  pagkuha  sa iyang  mga  pinili.

Busa  kun  may mga  katalagman  man  nga  miabot  karon sa tawo,  daghang  nangamatay ug daghan  usab  ang  nahiagom  sa hilabihang  kakuyaw,  malagmit  gibansay  lang daan  sa Dios  ang  tanan, kay  sa adlaw  sa paghukom  wa nay kadangpan  ug  kadaganan  ang tawo.

Wa na  siya’y  kapangayoan  og  panabang lahi karon  nga  may kagamhanan  pa  nga  mohatag  og  mga  relief  goods.