Mga kausabang pisikal
Mahinungdanon kaayo nga anaa ang mga ginikanan nga mohimo og usa ka pagpasabot sa mga kausabang pisikal sa batan-on nga nakasinati usab sa kausabang sekswal. Kini aron sa ingon mahatag ang husto nga termino, hustong paghulagway ug pagtuki sa mga kagamitan kun pulos sa matag bahin sa lawas sa batan-on.
Ang mga natural nga proseso sama sa regla ang mga isyu kalabot sa wet dreams kon nocturnal emissions ang kinahanglan gayud unta nga masayran sa batan-on. Kini aron malikayan ang sayop nga mga impormasyon. Katungdanan kini sa matag ginikanan.
Ang inahan maoy magtudlo ug magpasabot sa iyang anak nga babaye. Ang amahan mao ang magpasabot sa iyang anak nga lalaki. Tabang kini aron mamahimong mas mapanalipdan ang hustong pagtulon-an ug malikayan ang bisan unsang butang o panlantaw nga moresulta sa pagka-ignorante.
- Latest
