Ang Dios Miingon

OKTUBRE 27, 2013: Ikakatloan nga Domingo sulod sa tuig

Mga Pagbasa: Sir. 35;12-14,16-18/Sal. 34/2 Tim. 4;6-8,16-18/Lk. 18;9-14

Ang duruha ka mga karakter sa atong ebanghelyo karong Domingoha ang Pariseo ug ang Kobrador sa Buhis ang nisalamin usab sa matang sa mga nagkadaiyang dagway sa tawo ning atong kapanahonan karon. Adunay mga tawo nga far-sighted ingon man mga tawo nga near sighted. Ang mga tawo nga far sighted nakaklaro sa layo ug klaro alang kanila ang uban kaysa ilang kaugalingon. Ang mga near sighted ang nahilansang sa ilang kaugalingon mismo nga tungod niini malisud alang kanila ang pagtandi sa ilang kaugalingon ngadto sa uban. Ingon ini usab ang sala ug kahuyangan. Adunay uban nga dili buot motan-aw ug moyaka sa ilang kaugalingong kahuyangan nga tungod niini himoon nila ang mga nagkadaiyang matang sa defenses ingon man projections. Nga sila maayo, tarong ug kasaligan. Samtang ang uban ang maglisud og panaw alang sa pagtubo gumikan sa ilang mga sayop.  Paagi sa pagkab-ot sa kalingkawasan kitang tanan gidapit nga mapaubsanon natong angkunon nga kita diay mahimong masayop sama sa gihimo sa Kobrador sa Buhis nga nahimong nakatugpa sa reyalidad sa iyang pagkatawo. Tinuod man tuod nga naningkamot ang Pariseo sa pagtuman sa balaod sa Relihiyon apan ang nakakulang kaniya mao ang pagdumili sa pagtugdon sa iyang pagkatawhanon.