Luha
Diha toy higayon nga nakapaminaw ko og lecture kabahin sa luha. Tears.
Matud pa sa resource speaker kun kahilakon ka hilak. Ayaw kuno’g pugngi ang pag-agas sa imong luha.
* * *
Nahinumduman ko kadtong lecture dihang mihilak ug mihilak si Pido Jarencio, ang coach sa UST Tigers, human pildiha sa iyang kuponan ang National U Bolldogs.
Daghang luha ang napaagas ni Pido ug kato nakaayo sa panglawas ni Sir Jarencio, matud pa sa atong luha speakers. Luha sa kalipay kato.
* * *
Daghan sad nga luha ang mitulo sa mga mata sa sakop sa NU team tungod sa ilang kapildihan ug kini nakaayo gihapon sa panglawas sa mga Bulldogs.
Suma pa sa atong luha guru, basta gani ang luha nato moagas tungod sa emosyon, OK ra kana.
* * *
Ang dili kuno maayo mao ang atong pagpatulo sa luha samtang kita naghiwa-hiwa og sibuyas bombay.
Makadaut kuno kon magsige’g tulo ang atong luha samtang naghiwa ta og sibuyas bombay tungod kay dili gikan sa emosyon ang hinungdan sa pagtulo niini.
* * *
Sa laing bahin ... Happy birthday in advance (Oktubre 11) ngadto ni higala Loy Jurado. Di lang ta mangutana kun pila nay edad ni Sir Loy kay kini ra bang mga edad sa tawo kasagaran classified information kini.
* * *
TRIVIA. Greetings sa atong mga readers diha sa mga sityo sud sa Mambaling lakip ang sityo nga ilang gitawag og Back sa Rubber World. Daghang salamat sa inyong nagpadayong suporta sa Banat News.
- Latest
