Ilaga vs krimen
Ang atong kapolisan migamit og sniffing dogs kon mga iro nga dunay hait nga panimhut batok sa illegal drug smuggling. Ug batok sab sa ubang matang sa kriminalidad.
Apan didto sa Netherlands ang Dutch Police Force wa na maggamitan og iro suma pa sa balita kun dili rats kon ilaga na ron.
* * *
Matud pa sa Dutch Police, mas daghan bintaha ang ilaga kay sa iro alang sa police work.
Dili lang kuno sayon ug way hasul ang paghupot niini kun dili sab menus ang gasto ang pagmentenar og rat police.
* * *
Suma pa sa Dutch Police ang usa ka ilaga nga anaa sa ilang pwersa mobalor lamang og 10 euros o mga 13 dolyares. Apan kuno ang usa ka sniffing dog nagkinahanglan og libuan ka euros o dolyares ang pagpalit niini.
Mas masayon triningon o tudloan og police work ang ilaga, matud pa ni Mark Wiebes, ang pangulo sa Dutch Police Innovation Center.
* * *
Ang mga ilaga nga nahisakup karon sa Dutch Police mida’ag ngalan nga kinuha sa komiks karakter sama ni Derrick, Thomson, Magnum ug Poirot.
Mitabang sila sa kapolisan sa paglimpiyo sa kadalanan og mga badlungong elemento sa katilingban.
* * *
“As far as we know we’re the first in the world to train rats to be used in police investigations,†suma pang Mark Wiebes, ang tsip sa Dutch Police Innovation Center sa Rotterdam diin gi-training kon gibansaybansay ang mga ilaga sa pagpanimaho og mga krimen nga nanghitabo. Gitudloan usab sila sa mga bag-ong forensic methods.
* * *
TRIVIA. Maayong adlaw sa atong mga higala diha sa Magallanes duol sa Go Chan bldg. ug sa Freedom Park flower shops. Salamat sa inyong suporta sa Banat News.
- Latest
