EDITORYAL - Comelec way pundo para brgy. election?
Gipaninglan na sa Comelec ang mga barangay sa lalawigan sa Cebu kinsa wa pa kabayad sa ilang election funds.
90 porsiyento pa sa tanang barangay sa Cebu ang wa pa magtagad sa maong bayranan.
Ang uban nagduha-duha sa pagbayad tungod kay ang election sa barangay usa ka mandato sa balaod busa ang nasudnong kagamhanan mao unta ang moabaga sa maong gastuonon.
Pila ra may pundo sa barangay nga angay kuhaan og igasto alang sa piniliay sa barangay itandi sa pundo sa nasudnong kagamhanan diin masakop ang Comelec.
Sa ato pa kun di mohatag ang mga barangay, wa usay mahitabong election kay nagsalig man sa maong pundo ang Comelec.
Wa diay ka pugos ang Comelec sa Malacañang bahin sa gastoonon sa umaabot nga piniliay sa barangay. Gamay ra man unta ang P10 mil nga gipangayo sa Comelec gikan sa matag barangay sa nasud.
Ang uban nagtuo man gud nga tungod kay balaod na kini, natural may budget na ang goberno alang ning maong kalihokan.
Giingon nga nahurot kuno ang budget sa Comelec sa milabay’ng piniliay sa nasud niadtong miaging Mayo.
Kay ngano sa pagpangayo nila og budget, alang sa election niadtong Mayo, wa diay nila ilakip ang election sa Oktubre busa nahutdan sila og kuwarta?
- Latest
