EDITORYAL - Ma-libel di na angay bilanggoon?

Gipanghingusgan  sa  mga  magbabalaod ang  pagwagtang sa silot  nga  pagkabilanggo niadtong  makonbikto  sa sala  nga  libel.

Apan  pulihan  kini  og  multa  nga  taga  liog  usab, sama  sa P50 mil ngadto  sa P250 mil.

Asa  man  kaha  mangita niining  kantidara  ang  anaa  sa media  kansang  panarbaho  tinarong.

Kay  ngano  mas  bug-at  ba  ang  pagbilanggo  sa  tawo (mahimong  taga  media ug di) nga  makonbikto  sa kasong  libelo?

Para kanako  pulos man  bug-at  ang  duha, apan  di usab  maayo  nga  dili  kapahamtangan  og  silot  kadtong  mga  tawo  nga  mopakauwaw  sa ilang isigkatawo  nga  way  kamatuoran.

Di ba diay  mahimo  nga  wad-on  ang  pagkabilanggo  ug  ipatuman  ang  multa  apan, kun  bug-at ang P50 mil  nga  multa  mas  labaw  nga  bug-at  ang  P250 mil, di  ba diay  mahimo  nga  pakubsan  kining  tanan?

Ang  pagkabilanggo  sa  mamatud-ang  sad-an  sa kasong  libelo,  mao  kini mandar  sa Artikulo 355  sa Revised  Penal Code.

Busa  buot kining  wagtangon  ni  Senador  Angara  ug  ang  ipatuman  mao  ang  multa  nga  P50 mil ngadto  sa P250 mil  depende  sa kabug-at  sa maong  sala.

Hinuon  kun  ang  usa ka  komentarista mabinantayon  lang  sa iyang  komentaryo, aw malikayan  man  ang  maong  kaso apan kun wa usay  silot,   basin ang tawong  maglagot mobayad na lang  og  hired killer aron maimpas ang  tanan.