Beauty contest

Naay mga balita nga gi-ban kon gipugngan ang Miss World beauty contest didto sa Indonesia. Duna kuno’y hugtanong oposisyon ang mga hardline Islamic group.

Apan gi-clarify kini sa usa ka womens’ organization didto sa Jakarta kinsa mi-explain kon miklaro nga wala pugngi ang Miss World, gi-challange lang.

* * *

Ang mga Islamic women’s groups, suma pa sa balita, mi-organisar sa ilang Muslimah World contest diin ang mga nasud nga Muslim mipada sa ilang mga contestant.

Suma pa sa tigpasiugda sa maong Muslimah World contest ang katuyuan sa maong kalihukan mao ang pagpaila sa tibuok kalibutan nga ang kaguwapa sa usa ka babaye dili makita sa iya lang hubo nga lawas kundili sa iyang kinabuhing espirituhanon.

* * *

Sa Muslim beauty contest -- ang Muslimah World -- wa kita’y makitang paa kon legs sa mga contestants kundili ang ilang saput diin mata ray makita.

Sa question & answer portion sa contest mga passage sa Koran ang ipangutana. Pangutan-on sab sila: “Do y ou want to be like the women in Miss World? Or Muslimah World? And why.”

* * *

Ang mga kandidata sa Muslimah World gikan sa Iran, Malaysia, Brunie, Bangladesh, Nigeria ug Indonesia.

Ilang ipakita sa kalibutan ang matang sa Islamic fashion diin kuno makita ang kaanyag sa mga kandidata bisan wa ipakita ang ilang “immodest” body parts lakip na ang buhok ug “bare shoulders.”

* * *

TRIVIA. Sa atong mga magbabasa, tabang kita pag-ampo nga mahuman na ang krisis sa Zamboanga City. Daghang salamat sa inyong suporta sa Banat News.