EDITORYAL - Senador ug Kongresista gikasohan na

Kulba  hinam  kining  mga  higayona  alang  sa  mga  magbabalaod  nga  nalambigit  sa P10 bilyones  nga  pork barrel scam.

Tungod  kay  isunod  niini  ang  subpoena kutob  niadtong  makonbikto  sa maong  salaod.

Ang  uban  kun  kapiyansahan  ang  maong  kaso, aw pila  ra may  bayad  ngadto  sa korte  sa  kantidad  sa  piyansa  nga  gitakda  niini.

Kundi  mapiyansahan, ang  uban  mohinay-hinay  og  palayo, molayas  sa gawas  sa nasud  ug  di  na  mopauli.

Ang  uban  magpausab  sa dagway aron  di  na  ilhan  sa iyang  mga  higalang  karaan. 

Hinuon  kun   ma-priso,  ok  ra man  kun  silbihan  nila  sa  tinuoray  ang  ilang  silot  sa prisohan.

Di  sila  hikalimtan  sa mga  panid  sa kasaysayan  sa nasud bahin  sa  mga  opisyal  sa goberno nga  miunay  og  tulis sa atubang, sa mga  Filipino.

Wa man  gyu’y  pagbasul  nga  mauna, kanunay  kining  maulahi

Ngano ba usab  nga natintal  man  sila  ni  Janet  Lim  Napoles  kinsa  maoy  giingong  utok  ning  dakong  scam sa  kuwarta  sa mga  Filipino.

Way  kaso  kun  adto  kini  madubok  sa prisohan  kay  puwerting   nakapahimus  niini  sa  kuwarta  sa nasud.

Ang  kadaghang  kabtangan  ni  Napoles  dinhi  sa nasud  ug  sa gawas  maoy  nakalingaw  niya  og  maayo kay  wa  siya’y  puhonan unya  nakasapi og  binilyon ka pesos